Disampaikan pada krama desa lan pemedek ritatkala upacara piodalan ring Pura Pura wewidangan Desa Pakraman Sangket, Sumangdene sampun pastika ngeromba indik prabeya pelaksanaan upacara yadnya gumanti ngerereh kelanduhan lan kerahyuan jagat, sumangdene napi sane keaptiang melarapan antuk karya lan bhakti. Titiang dados prajuru desa, ten rerepan matur piuning ring ida dane, mangde sayan nincapang keweruhan dan pengetahuan indik tatakelola Desa Pakraman mangde melarapan antuk demokrasi. Napi luwiring sane kelaksanayang ring sapemargin ayahan ring Desa Pakraman mangde kekawitin antuk pasikian manah lan rage, sane kaunggahan ring "paruman desa" utawi se alitne melarapan antuk "paruman pengurus", sumangdene napi sane sampun kecumpunin ring paruman memargi "ketegasan prajuru ngambel sepat siku-siku" penting kelaksanayang, sumangdene nenten meweh pula pali ngelaksanayang ayah-ayahan ring desa pakraman, nincapang mangkin mangde krama desa sayan ringan tur merasa gargita ritatkala nyambut karya ayahan desa. Napi sane ten manut ngiring bligbagang ring paruman, sampunang wantah mendasar antuk kepercayaan niskala (pengendika), taler mangde metimbang wirasa ring skala inggihan ring prajuru, lan paruman desa. Duaning keseimbangan skala lan niskala niki penting, mangde ngewetuang manah galang apadang ritatkala nyambut karya yadnya, pemargine sampun pastika sekadi dodunan acara (rencana) sane sampun kacumpunin, perubahan ring tengah pemargi mangde nenten sering kelaksanayang. Manut sekadi bebaos sang sane kerauhan "Betara Bagus Kembar" ida dane ten kedadosang ngerubah dudonan acara sane sampun-sampun becik, sekadi tami sumangdene iraga ten bingung, pare pelaksana (pemangku, tukang banten, prajuru, prekangge) ten "megocoh" ampura titiang niru utawi ngojahang bebaos idane. Taler indik peturunan lan dana punia makacihne larapan antuk bhakti, taler mangde sayage krama desa, tur ngewentenag pengawasan antuk penauran ida dane soang-soang antuk state nyimpen kwitansi pembayaran, tur presida nyinahang ring pengurus, ritatkala wenten kekeliruan ngeranjingang cacakan pembayaran sane kasurat antuk bendahara druene. Mangde sampun pastika ida dane medue bukti kwitansi sekadi ring sor:
Kwitansi Pembayaran Krama Desa
Kwitansi Dana Punia
Selantur ipun tiang uningang indik napi manten sane keni ring krama desa, inggih punika:
- Dana punia ritakala ngelaksanayang Pembangunan dan Panca Yadnya, tur melarapan antuk keledangan dan kemampuan Ida Dane Sareng sami.
- Peturunan piodalan manut prebia, sane sampun memargi ritatkala Piodalan Utama lan penyepian krama desa keni peturuan Rp. 10.000,-
- Ritatkala Odalan pangkonan ten keni peturunan
- Antuk krama tamiu sane megenah ring wewidangan Desa Pakraman Sangket, wajib menjadi krama desa inggih punika, krama negak lan krama pemirak. Sedurung dados krama desa kelaksanayang trag tur naur penanjung batu Rp. 500.000,- dan penerap rp. 1000,-
- Krama pemirak keni peturunan nyabran 6 bulan (210 hari), Rp. 50.000,-
- Ritatkala ngelaksanayang ayahan ring piodalan krama taler ngayah tur keni kekenan, sekadi ayam lan jejahitan, sane ten presida ngayah, keni pamidanda, sekadi awig-awig.
Tidak ada komentar:
Posting Komentar